🤯尋晚發生幾件值得關注嘅事件:

• 黃仁勳第一個X post，係呼籲美國政府支持AI開源模型，而唔係嚴格監管；AI發展封閉模型、開源模型同樣需要同樣重要…

• 當然，我之前都講過開源模型嘅普及化，對佢GPU硬件業務更為有利。

• 呢個呼籲聯同Palantir 、ServiceNow 、MSFT 、Crowdstrike、Meta等多間大型軟件股一齊發出….

• 呢個理論上就係對於尋晚軟件股板塊從前晚大跌，再次反彈大升嘅一個心理支持。

• 軟件股嘅市場悲觀邏輯，就係被封閉AI大模型高昂收費、利用珍貴客戶數據，所蠶食取代業務價值….

• 而開源AI大模型，就係要幫軟件公司攞回主導權，當然前提係呢啲公司要足夠大規模，去自己購買GPU硬件，自己本地部署開源AI模型….

• 呢個係一個一直對於軟件公司左右徘徊嘅市場邏輯，OpenAI或者Anthropic出咗新AI工具…就會對軟件股造成打擊….

• 當然軟件公司實質嘅業務情況又冇想像中咁差，至少喺我之前分析過嘅嗰幾間公司。市場心理陰影大於實際情況…

• 當然呢種封閉模型同軟件公司嘅角力仲會持續…

• 另外一個好值得我哋留意嘅微細變化：係近兩日Google出咗最新業績，向上修訂2026年嘅資本支出，口頭上2027年資本支出預計都會大幅增加

• 按照近年嘅市場邏輯，呢個係對AI上游供應鏈板塊一個支持利好消息…

• 但尋晚AI上游供應鏈板塊跌幅明顯，暗暗滲透住科技巨頭供奉上游AI供應鏈資金增加，呢刻都未必安撫到市場憂慮…

• 市場可能意識到，望住身為全世界其中一間財務實力最強大、最健康Google，自由現金流都要變負數（雖然我已經一早講咗好多次），咁樣支持AI行情嘅供奉香油錢….嚟緊都係靠不斷擴大融資

• 而呢種靠連全球最強大嘅雲端巨頭都需要以融資去支撐AI發展嘅持續性可以有幾耐，係市場呢一刻可能擔心緊呢一樣嘢….

• 所以令到AI供應鏈喺Google資本支出繼續上升嘅情況下都要下跌，亦可能係軟件股真正轉機嘅開始…

• 當然，要陸續睇埋月底其他三大科技巨頭嘅業績，資本支出同埋自由現金流情況，會唔會令市場增加憂慮？

• 如果有一直跟開我分析文嘅朋友，都知道佢哋自由現金流變負數嘅機率根本就好大…問題只係係今季定係下季嘅事情….

• 市場AI行情邏輯可能會有轉變，要密切留意…